بالنسبة للأشخاص يلي متلنا,فالهدف الصعب هو الحصول على الملايين او كتير مصاري, اما بالنسبة للأشخاص يلي أساسا عندون ملايين و مليارات فالهدف تبعون لسا أصعب الا وهو المحافظة على هالملايين و المليارات او بشكل أساسي على قيمة هالمصاري, و البتكوين بشكلها الحالي, بطريقة استخدامها للطاقة (الكهرباء) ونظام التحفيز المضمن بالبروتوكول و التطوير البطيء نسبيا ولكن الأئمن بقدم الحل المناسب للمحافظة على قيمة المصاري, لهيك ممكن تروح تستثمر بالايثيريوم او دوت او حتى دوج مشان تعمل مصاري اكتر بس بالنهاية مشان تحافظ على قيمة هالمصاري بتحولها الى بتكوين, طبعا كلو يعتبر أهداف طويلة الأمد لان لسا حاليا مافي تبني كامل للتقنيات بس متل مالنا شايفين الوضع عم يتغير.
البتكوين الها عرشها الا و هو حفظ القيمة بشكل أساسي, والاثيريوم الها عرشها الا وهو آلة اقتصادية و مالية بشكل أساسي, بس هاد ما بيعني انو مافي تداخل بين الوظائف الأساسية لهالمشاريع.