Increase in online sales

My people, I greet senior men and brilliant ladies.
I don notice something way they bother me with Nigerians and I say make I discuss the matter with my people.
No be new thing say inflation don chop us but after looking at the main causes, I found out say we they among wetin they add to increase in price of goods and services.
You don notice how online people way they sell things for WhatsApp, IG, Twitter and Facebook they market their products?
I know say we get increase for price of goods and services but the way these guys they put price for things, you go think say na from Ebay you they order something.
Na so I see one shoe for IG way enter my eye oooh say make I price am, the guy say na 50k, I laughed because normal normal I go see that shoe buy for igbo man shop for 20k if the price too go up be that but when e reach online sellers, they go want to use you start 3 duplex foundation. This thing they very common for every online vendor and the thing no good. As a sure guy, I know say OG PRODUCT dy mad for price but make we they try calm down abeg, wetin na.

You come see that kind of people ehhnnn, after they don sell their products finish and come want to buy goods offline and they observed say price don go up, them go join other Nigerians they shout say everything don cost but them go forget say they do am too. Abeg make all of us they calm down, I  know say all of us want to put something for table but no go they over do things, you self they contribute to this things, no they blame govument for everything.