I nor go fit talk put for the babe side because me self never get babe because man need to prepare himself before he put hand for babe matter. So I nor really know if babe matter go disturb my time on bitcointalk or not.
But the one when I wan chuck mouth put nah the aspect of school and Bitcointalk. For me I nor dey see chance take dey do bitcointalk as I first dey do am when I never enter school and my own Kon still get k-legs because nah still first year I dey so everything for university just dey new to me and I gat take most of my time take focus for school, and my university nor even get mercy for people at all imagine going to class 7 am come back 6pm sleep for like 2hours and then go night class again. Even to complete my weekly post for sig dey hard me like mad.