Kuch Mazeed Naseehate

jab aap ko koi achi kitaab nazar aaye to usay khareed len bhallay aap ne woh pehlay se parh rakhi ho ya nah .

is shakhs ke sath partnership nah karen jo teen baar nakaam hochuka ho .

aap ke bachay jab solah saal ki Umar mein pahonch jayen to unkay farigh waqt mein inhen kaam karne ki targheeb den. lekin agar is se pehlay bhi mumkin ho to ziyada behtar hai .

 agar aap koi cheez do baar se ziyada udhaar letay hain to behtar hai usay khareed len .

mashkook jaghon se daur rahen, buray waqeat sirf wahan hotay hain .

jo apna paisa sahih kharch karne mein nakaam rehta hai woh apni zindagi ki har cheez mein nakaam hai .

jab koi aap se sawal kere to is ka jawab nah dena ho to, muskura kar kahin : aap yeh baat kyun janna chahtay hain ?

teen cheeze jo aap ko kabhi nahi khoni chahiye : bardasht, khud itmadi, aur gaari ki chabiyan .

yeh tawaqqa nah rakhen ke aap ki badhaali mein aap ke bachay aap ki nsihtin sunen ge .

aur apni biwi ke behtareen dost banin .

kabhi yeh nah kehna ke mere paas ziyada waqt nahi hai, tamam azeem logon ke paas 24 ghantay thay aur is mein izafah nahi sun-hwa .

apne bistar ke qareeb hamesha aik pencil aur safaid kaghaz rakha karen, kuch sunehri khayalat aap ke dimagh par bana betaye dastak dete hain aur agar aap inhen bar waqat nahi likhte to un se mahroom reh jayen ge .

tareef har kisi ko pasand hai, lehaza is mein kotahi nah karen, magar munafqat se bachcho !

 jab aap –apne bachon ke sath khailtay hain to inhen mauqa den ke woh khail hi khail mein aap se jeet saken .

apne bachon ke samnay biwi ko tanqeed ka nishana nah banayen, chahay koi bhi masla ho .

jab aap kisi kamray ya meeting mein daakhil hon to is terhan daakhil hon jaisay aap is jagah ke maalik hon. . is ka matlab hai ke aap ko –apne aap par aetmaad hai .

 inkaar karna sikho, lekin is ki aadat nah daalo .

jab sab sharam se khamosh ho jayen to kharray ho kar apni khobsorat raye ka izhaar karen .

apne naqideen ko jawab dainay mein waqt zaya nah karen .

apne maali mamlaat par un logon se baat nah karen jin ke paas aap se bohat ziyada ya phir bohat kam hai .

jab aap kisi ristoran mein maheman hon to –apne maizban ki talabb kardah se ziyada mehngi cheez nah mangeen .