The Confused Brothers aka Fine Boys: These na those fine bobo them wey women dey hardly say no to. Them fine die, so na girls dey rush them. Normally, them be ashawo because no type of woman them never harvest; from the ones them chase to the ones wey chase them. Unfortunately, them dey suffer to select wife. If care is not taken self, most of them dey marry girls wey no too catch attention and you go come dey wonder weda na brother solo the ladies spec marry this girl or na another person.
Fine boy wey no get money for pocket na palaza. Those fine boiz wey dey end up marrying ugly girl na because say them no get money. For Nigeria now na money girls dey marry. Ugly man wey get mad funds go marry miss world.
The Tasters Association of Nigeria : This group wan taste all the soup for this world... if you talk about marriage near them, them go use excuse frustrate you wey wan advice them.
These set of boiz just dey play before them go know an for old age them go marry and by then them no go get choice again.
Dangote Group: This group wan become Dangote first before them marry. You see this set, unless we plan for them, find one woman force her on them, them ready to reach 45 before them marry. We know say money dey important for marriage but they no dey pursue money finish.
I pity for this set of boiz because them go end up not marrying if them no make money. OP, one thing wey I also want make you understand be say no be everybody God create say go marry and nobody everybody go marry at a particular age. The way wey all fingers are not equal,this apply for marriage side too. Some ready to marry but no see girl to marry them