Abeg I go like make you enlighten us more about the risk wey dey and how e go take endanger our lives, because I know say everything wey we dey use get risk, how many times you go hear say smoke wey dey commot for generator dey enter room and e dey kill people, so even petrol dey risky be that, I know come know the risk wey dey make u dey use gas for generator ooo, I know say nothing dey perfect but I sabi people wey dey use generator and I never hear any casualties, all of them dey even talk say e make sense pass make u dey use petrol, but if u go fit talk about d risk, at-least we are all here to learn.

The easiest alternative wey I know na solar, and as we can see no be everybody get money do solar, some people wey don get generator before no get money wey dem go commot at once go do solar, we all know what’s going on in d country now, we see say everything hard now, we just dey try rugged am.