My country people. E get wetin I dey observe for we country wey I wan make una follow me put mouth. I notice say our young bobo them no dey too marry early again. My papa tell me say for their time, before you reach 25, you done already marry or about to. But today, 30 self never put marriage as priority. Plenty good reasons dey sha o but some their reasons no reason enough to be single at certain age.
Mehn you no fit compare those days with this days, things good that time na and world never spoil d way e spoil now. The economy too de contribute for the matter, most young men de fear to enter marriage because of how things hard for the country and we all know that d rate of unemployment high for country now.
I don take one eye come observe plenty set of guy men them for this our time and they belong to some of these categories as e relate to man and woman something:
All the categories wey you mention de funny abeg but some of them na true sha because i don see person wey tell me say if him marry now him no go de get freedom again and the worse thing be say d guy don pass 30 already so which kind freedom him still de find so. And e gt one of my friend wey de form fine boy for area, him de always think say him still young because girls de find am up and down.
Marriage no be something wey we go rush into oo and everybody gt right to decide when him ready to marry so whatever time dem decide to marry na their wahala. I go jus advise dem not to marry without having any means of earning money so you no go enter frustration.