Some times I wonder if this our government dem really value this people them call their children, I mean all these our NYSC bordas and sistas wey don devote their time and lives to serve this our contri.
E don dy almost go plenty plenty days and weeks now wey them kidnap some NYSC members for Calabar and our government no dey put force to bring them out, and with this act I no sure say people go fit summon courage to go serve. If nah to call on them to serve their contri when election reach them go call on them and these our brodas and sistas go answer the call.
E dy pain me say we still dey go for all these things when government call on them, abi the NYSC no get right to say no all these government related things? I still dy ask, e really dy comporsary to go serve still come out to continue dy suffer as if them do wrong for the nation?
No work instead nah hustle wey no dey related to wetin these our brodas and sistas go school for, e make sense?
Make I pause here, make una talk something for this matter...
Nah beta observe you bring come here but make I bring to your notice say no be only these corpers wey them kidnap for calabar be the only case we dey battle. You remember during Goodluck Johnathan time wey dem kidnap those chibok girls? How far the mata nah?
See, for the area of security the contri dey poor, no be like say them no care for the corpers it's just that them no fit do much.
And to add to wetin @Charles-Tim tok, to act as election personnel nah voluntary act and no be force because them dey get moni for that period. Yoy know say the allawe them dey collect from govt dey small so them dey use that wan take add to survive.
I still dy ask, e really dy comporsary to go serve still come out to continue dy suffer as if them do wrong for the nation?
No work instead nah hustle wey no dey related to wetin these our brodas and sistas go school for, e make sense?
See, nah who dey depend on govt to provide them job nah him loose guard. Some people before them enter sch don get one or two skills to take dey hold body and the NYSC camp nah just a place to provide you with endless possibilities on how to further grow and expand those skills.