Some times I wonder if this our government dem really value this people them call their children, I mean all these our NYSC bordas and sistas wey don devote their time and lives to serve this our contri. E don dy almost go plenty plenty days and weeks now wey them kidnap some NYSC members for Calabar and our government no dey put force to bring them out, and with this act I no sure say people go fit summon courage to go serve.
Our country no de better for our very naked eyes, government de spoil the country with their unexamined unplanned program wey dem dey set for our fresh graduates. To me, e no mean anything because nothing e really de contributes to the ambitious life's of our school graduates, person go school, if na university e go spend 4 years depending on the course and if na poly na 5 years, come struggle to finish, come still served the country wey go past them small small money as salaries. Make una no get me wrong, education is vital for the young minds but the way the country de go, education no b the key again ooh, life come hard pass as before.