This word opportunity eeeh e dey cause wahala for we society oh...most people wen opportunity reach their hand them dey take am do and undo their fellow human..wetin make I dey talk this thing..
For my state something happen wey lead to stopping of Keke driving in the night and no much taxi,,buses so now the rate of transport fare at night no be here..where you go pay 150 normally for day time,,,now na 300 because say the few driver's wey dey available don see so many passengers on the road so now them don see opportunity to bill people anyhow they like without considering say this one na my fellow human being...all their own if you like you enter...if you like stay...
Although no be only transportation,,so many other sectors too na the same over using of opportunity nai still dey go on...and we dey cry for change
The thing dey border🤦 me I say make I share am with una
Dis wan no be something of surprise for dis country again, many of us don witness dis tin for other part of the country. The tin just dey like demand and supply, how the bitcoin functions wey dey lead to rise and fall in price depending on the way people need am and vice versa.
For situations like dis, na strict regulations government suppose put in place for dis people because without dat regulations, everybody go just dey put any price wey dem like and e go really affect the people wey dey live for dat region. Nigerians dey really take advantage of opportunities illegally and without imposing laws na so dem go still dey continue dey do.