Omo i nor know if anybody for here don first experience or get person way don experience this matter way be whatsapp hack. One of my guy message me for whatsapp on monday say make i help m transfer money go one account way he go send me bcos he don reach he transfer limit but I thank God say the money way he be dey ask for nor dey my account at that time bcos I go for send m fast for am, since I know say he dey highly capable to pay back.

But yesterday my guy cor post for whatsapp status say make everybody way receive that message nor vest, say person be hack he account and he just recently get am back. The thing suprise me and i cor ask am say why he nor vest set 2 step verification for he whatsapp, he say he never first reason that side.

I bring this thing come here say make we dey cautious online, even if we know person well well, nor mean say hackers nor fit get the person account and so anytime person way dey close to us ask us for money (including bitcoin) or any sensitive information from us, make we dey careful and try to see the person first physically or at least call the person to verify bcos things dey happen online, infact even for our bitcointalk forum so, account hack don dey common, we dey see as some of our members of this forum way don come out, cor talk say nor be them borrow money with their own account and come out with proof and now since person way be wan help person now cor dey get their money back, to borrow for here nor cor easy as bfor.

My other advice na be say make anybody way never set 2 step verification for Whatsapp or any other social media account way he/she go set am. 2 step verification get different ones, just observe m and check the one way dey well and secure for, Nor go use over protectivenes tel lock account.
See some YouTube video on how to set 2 step verification on WhatsApp and Facebook
Facebook and WhatsApp

Also you fit check this site for ways to set up 2 step verification for other social media and platforms.
How to set up two-factor authentication on your online services