My brothers and sisters for this kajad cabal I greet una and happy new year to all of us. I say make I table this matter for here and if say person don discuss this mata, my apologies as I no see any of such nature before I bring this one up.
Wetin make me dey ask this question nah say after observation, I discover how some newbies wey register here, after them don drop some posts and e happen say one of the posts receive backlash, you go see say gradually, that user go start to dey scarce for here and before you know e go twy before you see them.
So I wan know from us, wetin we feel say be the reason wey dem dey lose interest like that? Abi nah say some no fit stand criticism or here too hard or wetin? Abeg make we discuss.
I go talk day the main reason wey dey make new members wey recently join the forum to loose interest na their reason for joining the forum. Some people get wrong information about the forum and na that information them dey work with, na the information wey don register for you mind go influence your behavior towards the forum.
Some people wey join the forum, people wey introduce them, tell them say, all they gats do na to register account and start to dey post correct correct things and them go start to give you merit and then when you don reach better rank, you go fyn one campaign join and then start to make cool cash. I know say na this thing them tell most of the people wey dey newly join this forum.
So when you don carry that kyn information for mind take join the forum, them start to dey post things wey them feel say e make sense ASAP then dey expect merit, and if the merit no come start to dey come the way them been expect or the way them been tell them, them go come loose interest for the forum go focus on other things wey go pay them money.
I always tell new members say this play na where people go learn and talk about Bitcoin, other tokens and some kyn general topics, so if you dey come that kyn place, your main motive na to learn as much as you for, and when you learn finish, you go come start to dey contribute wetin you don learn and then you get paid for your contribution. So if you never calm down learn, nothing you go fit contribute so rather prioritizing gaining merits, make we calm down learn first.