Nigerian youths de go through a lot to survive on the street because our economy no try at all, prices of goods and services just de increase everyday based on the naira devaluation, di currency just de loose value everyday. Imagine youths go pass through the struggles of tertiary institutions, at di end of di day dem go graduate and no jobs, na so dem go de roam di streets everyday like say dem no get focus. Anyway my advice for our youths be say make dem no gree for poverty, if di course wey you read for school no give you Job, make you create one for yourself, afterall people wey no go school de survive, learn one skill wey de marketable weda na offline like berber, electrician, painter etc, or online like digital marketing and di rest, wey people go need your services and you go make money. Other youths go enter yahoo runs and other illegal activities to survive, although dis options no good because one day di law go catch up with them, so make we remain positive in the face of dis challenges.