This no be typical question way concern the forum but still, we get corner for the forum as Nigerians and this na something way Dey affect us so, e no bad to talk about am.

No be lie say, there have been a dollarization of our economy so tay, our currency don fall for ground yakata. E don turn one means to spend big and if you Dey deal in dollar, e go con look as though, na you Dey run the town. The matter just cast and e start from the top con enter the bottom.

Now where the matter spoil be say, we no Dey value made or produced in Nigeria. You for think say na for imported products e end o but, e Dey materialize for we everyday and even local products via say,
Mama way Dey sell maggi, e go like carry money way e realize buy salt. Mama way Dey sell salt, e go like use the stock fish. Brother way Dey sell stock fish, e go like use the money buy body spray, wrist watch, phone and so on. Na from there the money Dey grow, from the person way Dey sell imported items. E go increase am to meet up en sales. Person way wan buy from am, e go increase the service or product e dey sell to use generate money way e go use buy from person way dey import items and just like that, the trend continues.