With the way country hard now and new jobs no even de come out like that,  we no need talk am two times say make everybody secure wetin de fetch am money with the whole of him hand.

That job when you de look am like say nothing come out, if you know the number of person's when de pray say na them get that opportunity, e go shoke you. As e be now, anybody when try carry you along, come  give you legit update when go fit de fetch you one or two no be person you suppose play with and na this kind time we no need play with any opportunity when come our way.

We de complain say country hard but we no go  really know how hard e de until we use carelessness lose our legitimate source of income or allow scammers steal our savings.

The market already de bullish and plenty fraudulent people de on the move to bring fake project and send plenty phishing links to use collect the small holding when we go don gather and so we need wise up secure our source of income and our income itself.

I no fit count the number of spams I de get recently for most of my handles trying to trick me into investing in shitty project and na now we need de wise enough to avoid wetin de too good to be true oh.