People dey always dey talk say power corrupt, power corrupt, yes most of us don talk am before, we dey think say na power dey corrupt person but the truth be say most of us already get corruption inside of us we only need the opportunity (power) to bring out the corruption in us. A man once said if you really want to know the person true self give him 3 things: Money, Power and Access to Sex. With this 3 things you can know any one true nature. So no be power dey corrupt, power only reveals corruption.
Wetin you talk, sense dey am, but me I go respectfully disagree with you. Wetin you talk fit be true for some people but make you no generalize am for everybody because of you wan talk am like that that means everybody dey corrupted with or without power because e no get anybody wey go come here, as far as say na human being, wey go talk say e no get e own bad side. People get their own bad sides but e no mean say them dey corrupted. Some people wey dey corrupted today, e no mean say na so them been dey, e get people wey dey compelled to corruption. Wetin I mean be say, before people wey dey corrupted go fit give you wetin you want, them go surely want make you dey like them, especially for this our country politics. Plenty people enter politics with good intentions, but due to how dirty the game dey, if you no play by the rules, you gats back down else it's either you fail or them kill you after you succeed... So in order to get wetin them want, they gats dance to the tune even when e be say no be really wetin them carry for mind. So no true true, power dey really corrupt people if them no take time.