I dey reason say, the house rent aspect wey you talk about dey go too far, because at least to build house, you go need blocks, cement, and other building materials, some of dem fit dey import or get connection with exports, wey fit be one of the reasons why house rent dey cost pass before.

But that by the way, you go wan discuss things like rice, local rice, paddy rice wey we dey buy for our local markets, and you dey wonder why these items dey very expensive, and you fit hear common marketer talk say, dollar don rise, and na why their own products too dey cost pass. You go begin wonder how dollar take affect product wey dey inside the state, no be even across states or the whole nation, but just within one state, but e don affect am, but dollar na just one factor.

The second one na fuel. Fuel don dey one of the major determinants for market. Plenty things dey cost now because of fuel hike, so e make sense if marketer or seller mention fuel as their main reason why things dey cost, I fit understand, but when person dey talk about dollar rise, when all the production and value chain dey inside the state, na then you go ask why e cost because of dollar.