na with para I Dey use make this post and create this thread and if you Dey attention to topic icons, you go see say na angry icon Dey this topic because I no happy at all the way things Dey go for the board.
This place na typical local board and everybody already know say, na pigin be our generally accepted language for this country but yet, we Dey write in very plain English and that alone Dey make the local board very porous wey no suppose be like that.

I been Dey run small survey as to why people no Dey write for pigin language for this board and one answer wey catch my eye be say, dem no sabi write pigin and that one burst my head because, from my own point of view, we no need any special alphabets to fit worse in pigin but just the normal English alphabets but wetin really matter na how we arrange these words.

I just wan draw the attention of the moderator and members of the local board say, this place na locals board and as such, na pigin we suppose to Dey speak for here .

N/B: This thread Dey self moderated and any reply wey no Dey in pigin go deleted immediately because I no fit come Dey preach wetin I no Dey practice.
As such I don leave the floor open for we all to put mouth for this matter because I think say with all this plain grammar we Dey speak here, e Dey expose the local board and we no fit even get one single privacy.