Sometimes una dey make this our LB dey boring to enter, see wetin you dey talk, "pigin is not our mother's tongue" the English nah language wey piple dey use all over the world and many countries get language wey them dey take communicate and na only them dey understand am and make we know say the pigin nah language wey we as Nigerians fit use communicate no matter the tribe you come from. Piple wey no fit use English language communicate fit use pigin and you no go expect some of us to go use pigin for other sections for the Forum, nah only we go understand am that na why I see say here nah the only special place to use the pigin and not English language.
For this posting in English for this our local board no be like this when I first join dis Forum, make we just continue to make here place where we fit call home, you speak abi post in pigin here no means say you no go school or them go come tear your results becos you use pigin post, na wetin piple outside dis naija section go take know say here nah Nigeria piple get here.
Wetin be the need we call here LOCAL BOARD? No be to behave local? Wen we go outside this section we speak all the loads of English wey full our mouth. Make we behave local for this board abeg una English and educated piple.