I just dy reason this thing since last night because one of my guy just dy complain too me last night how him invest $500 on OBX when the price been dy $0.013 since July 2022, and up till this day, the value drop to $0.0000457, and it refused to climb back, I no even bother to ask am how much remain, but I just feel sorry for am, I only tell am say in this crypto space, make him no carry knowledge and greed play, say na lack of the right knowledge or greed nai put am inside this kind of mess in the first place, so I say make I ask my fellow brother's, apart from misinformed, uninformation or greed, wetin fit make person fuck up like this, when Bitcoin still dey?
I no know if uninformatiom na really a word but, I go say na lack of proper research cause this one.
The bad thing be say, you no ever fit sure finish even when you do in depth research about a project na why, e dey always Dey advisable say, you work with watin don Dey around and has been known to perform well over the years like Bitcoin and some of the top coins by market capitalization.
Most people Dey look for opportunities in altcoins via say, the prices dey down and you hope say, as you invest at a low, na so so rise you go Dey see and na so your money go grow kwa but, this na mainly based on the project, the developer and the blockchain way them Dey built on.
Once altcoins dump like this, that na to tell you say, people don take profit and with this price as e be so, make your friend just forget am. Even cutting loss no work for here.