Wa Alaikom Asalam Alhamdulillah main theek hoon aur umeed karta hoon ke aap bhi achay hongey.

Main bhi aap ke sath is feature ko Bitcointalk forum mein add karne mein support karna chahunga. Jab main is forum par full member bana tha aur signature campaign accept huwa tha to mujhe code copy karne mein bohot mushkil hui thi. Jab bhi main isko copy karne ki koshish karta to pura thread select ho jata tha. Main ne kafi dafa try kiya ke ek hi baar mein sara code copy ho jaye lekin aisa nahi ho saka. Main apne phone se ye kaam karne ki koshish kar raha tha aur 10 minute is par sar khapane ke baad phir main ne isko thora thora karke copy kiya phir usko tarteeb se notebook application mein save kiya aur phir check kiya ke koi mistake nahi hui. Sab kuch clear karne ke baad phir main ne code ko apni profile mein set kiya. Aap khud andaza laga sakte hain ke is sab mein kitna time laga hoga.

Main suggest karta hoon ke aap Meta section mein ek thread create kar den is feature ke bare mein. Umeed hai ke iska acha response milega aur doosray members bhi is feature ko support karenge khas kar jo log phone se apna kaam karte hain. Agar ye feature add ho jata hai to mujhe lagta hai ke ye new users aur hamaray liye kaafi faidemand sabit hoga.