Do your own research
if you do your own research as a starter in the crypto space, e go hard before you go fall into a lot of the mistakes when new people when just de start their investment journey de make. most times wetin de happen be say na after some newbies don fall victim finish and them don either invest into the wrong coin or them don expose their key to the wrong source or do one thing or the other when don implicate them na that time there eyes de open enough to come de do research.
Funny thing be say, you fit still do your own research make you still research rubbish and still fall victim of wetin you Dey try run from 😂
Now on a serious note, make we always Dey extremely careful for this crypto space as a lot of things Dey happen especially with regards to scams because these scammers Dey very updated even more than the innocent and their intended targets most times.
If you ask me, I go say, since you’re a member of this forum, whenever you come across anything wey Dey you confusing as long as internet is concerned and not just cryptocurrency, just carry an come the forum come ask people, I believe say you go find people wey know the thing or don get personal knowledge of the matter and you go get direct response from real life persons and not just google compiled informations