You way Dey just 8days old for the forum na em don waka plenty places for inside this forum and note this wahala of understanding and differentiating gambling from trading… you don try shah, Weldon.
Anyway, gambling and trading Dey similar in a lot of ways.
If you talk about gambling getting the cash out feature,
Trading get their own too way be take profit without having to wait on trade to finish via say, the market always continues.
Now, where you fit find difference between these two be say,
For gambling, everything you Dey do exists within a period or time frame. For football na 90minutes and maybe extra time or predicting qualifiers.
When e come to trading matter, nobody Dey time anything for you. Na when e sure for you way you go relax qua and collect the one you don see for eye. Many of these kind of differences Dey.
Senior you suppose be better lecturer unto say you take time explain this thing well and I like am say, even with your rank and experience for the forum, you still agree say trading and gambling get plenty similarities than differences and na one bitter truth a lot of people Dey shy away from wey no really make sense.
Me I no Dey like best around the bush and I no Dey too involve in arguments wey concern differentiating gambling from trading because at the end of the day, you go see say everybody get their own opinion wey fit Dey work for them as I believe say, wetin really matter be say, anyone we Dey do, make we try Dey stay profitable.