This na wetin newbies never ready to listen and learn, they are still carried away by the illusions that once them pay for signals, them don become rich. Wetin dey truthful be say, person no go teach you wetin dey give them money, them go silently dey do their trading dey go not minding the fee from anybody. Na person wey no get money, dey arrange group to dey use deceive en members by dropping signals or even teach them trading.
Na so one of my friends tell me yesterday say e wan start trading, and e don already deposit $500 for him account, I come ask am whether e get any trading experience, e tell me say no, but e get one of en friend wey sabi trade and say e go mentor am, say the guy dey make daily profits and say e don turn $500 to over $1k in less than few weeks.
Funny enough, na so many newbies feel say e dey easy to make money for trading, simply say them see person wey Dey do am and the person offer to teach them. Trading na something wey go take you years of experience before you fit Dey make money from am, but during that learning stage, whether them give you signal or not, just prepare your mind for losses cos e go Dey come steady.