Baba welcome for de local board, you don do well to seek direction as you be fresh meat in de domot. I go recommend make you try dey read pass as you dey contribute for now. As you dey read, you go dey gain wisdom as de forum dey take operate and de legit way to engage. No forget to dey read pinned threads for each board you enta, make you fit keep all them rules wey dey govern dat board.

Lastly, I go still advice you make you try get mentor wey you go dey learn from, e no mean say you go dey disturb am ooo, you fit just dey observe as em dey post and how em dey take construct em post to get meaning and to take gain merrit. That way you go fit build your own strategy and posting pattern. I been dey fancy Mia Chloe and Charles-tim posting pattern, na from to dey look them posts I come learn to make my own come dey grow small small. No loose hope at all, this forum get plenty things wey you go fit benefit in terms of knowledge and esperience. Then when you don grow reach to collect choppings, e go sure for you. Just relax your mind, take your time and grow.