Wetin fit be the possible dangers of doing P2P transactions with only one merchant for these centralized exchanges wey still dey function like ByBit, Remitano and the others?
Since wen I read a guy's post and wetin him passed through in d hands of EFCC, I dey like deal wit different merchants. Dey invited him and during d cause of questioning him dem com reason wan particular account wey him dey often receive funds from. Dat account na from a certain merchant wey him dey like deal wit for exchange. D guy had to open up to dem as e take be, and you know how those mad people dey take behave once dem sabi sey cryptos dey involved for matta. I nor wan dat type of scenario. So, wetin I dey do na get a range of up to 10 different merchants wey dey good. I make sure e tey b4 I go repeat a particular wan.
We just dey pray make we no do trade with the wrong people wey go fit bring problem for us later.
My dear, na d prayer be dat everytime wey we do exchange. Na d reason wey make me nor dey like trade with any merchant wey nor warn against the use of thirty party account. I dey like deal wit those wey dey pay from their own personal account. I nor need corporate and business names na there persin fit get gbenge sef. You neva can tell d persin wey dey d other end, whether na kidnapper funds dem dey try launder through cryptos.