Re: The ugly side of trading in crypto

Quote from: Marykeller on January 10, 2025, 08:32:28 AM

When them tell people, more especially newbies to avoid trading, them think sae na lie.

There comes a man wey lose a sum of 2 million naira wey em father give am to start up business, em use am on trading on crypto for quick gains instead.

Now the money don remain $197, em d seek for advice. But at first, he made his first gain of $200 on top the 2 million naira, em think sae na to the double the money d go, not knowing the big deal wey go hammer am d come.

Now, em don d lament about his experience on crypto trading, and seeking for advice on what to do with the remaining $197.

Link to info: https://www.gistlover.com/man-laments-as-he-loses-n2-million-his-father-gave-him-to-start-a-business-to-cryptocurrency/?fbclid=IwY2xjawHtt5pleHRuA2FlbQIxMQABHXuxNuECxPs1dUacTgCmFezuV2l3LX6QLaTwpfHUMepQDBB4NAWFsbwnfw_aem_PnHDarKKLsE7C66pnJM8OA#m5qgau7akeqrsolmpt

This one na one of the major reason I dy talk am on the steady say if you no know anything for trading just commot body because even people wey know am very well dy chop breakfast, na person wey no know anything about am nai no go chop breakfast and dinner join?

Most newbies no dy hear word, them think say trading na chaise play, them no know say to use trading blow no easy as most of these influencers dy make am look like.
I dy into trading long before I even enter this forum, upon my knowledge and skills in the craft, I dy chop breakfast sometimes, even though I dy more profitable now, how e go come be for person wey no know jack about am?
These newbies no know say to use person story learn nai be the best thing, but some of them prefer learning it the hard way just like in this case, I just hope others go learn say trading no be means to made quick money and e no easy as most people dy make am look like.