I no know if you don hear this statement before wey say; if you save money today, na the money nai go save you tomorrow, true true na the money go save you tomorrow but my brother, if you no get anything doing, like you no get any source of income, you no get business with Bitcoin investment because you need to dy buy on a steady basis, either weekly or monthly, so as to increase your stash of Bitcoin because na ur stash of Bitcoin nai go determine how profitable you may be in the future.

So if you no get any source of income, the best you can do is to look for a job first, so that you fit take care of yourself and other basic needs, if not all the Bitcoin wey you don buy and store somewhere, you no go just temper with am once, you go start to dy withdraw am and eat from am till e go finish, so wetin I dy try talk is that this ur plan go well no doubt, but person needs to get something doing wey dy pay the bills before e go dy possible.

Another problem is that we wey be Nigerians no dy patient, we like anything wey go bring quick money, that's why we dy easily fall prey to ponzi scheme, so my brother, in as much as e dy very easy to talk, e no dy easy to execute because so many obstacles dy wey we need to strategize how to navigate our way around am before e go work, because buying na one thing, holding without tempering with it na another thing altogether.