Nne! Wetin you talk just sweet my belle. Abeg make I pour one cup for your head as corect babe wey you bi.
You just talk exactly wetin dey happen among our youths. I bin go one school go do something. Na so I just dey hear SS2 students dey discuss. Many of them say after school na HK straight. Only few dey reason to go learn work.
I sure say their response shock you small but e no suppose be and somehow you no go blame them because nah the belief this country don put for their minds say school nah scam and if them finish, nothing productive fit come out from their efforts and time wey them spend for school.
This one wey you talk say job for hand work people no dey no bi the total truth. If you sabi the work you go dey get customers well well. Any mechanic or panel beater wey sabi work must get customers. Their fellow work men go even dey give them work. If you sabi work, jab go find you come even if you dey inside bush.
No be the total truth nah make I say if you no dey area wey your skill fit dey marketable, e go hard to see the work plenty like when you dey for place wey don dey open.
Ps: this cup you pour me don sweet me for belle. More twale for you!!