As Nigerians, we dey quick rush anything wey fit bring fast money, especially with how things hard. But many people dey enter trading and gambling without full knowledge. Dem no sabi risk management, dem no dey patient, dem just wan double money.
Truth be say, Bitcoin no be magic. If you no get strong mindset and plan, you fit lose pass as you gain. For this kind economy, e better make person first invest in knowledge before e invest money.
Crypto suppose be long-term game. whether na trading or gambling, make you just shine eye, build small skill on the side, and no put all your hope for one angle. Balance go always pay pass rush.