We need to understand say for financial management investment na secondary need e be, before you go talk about investment you must consider your basic needs first. Most people wey know di importance of securing their future for old age know say e de good to invest in a profitable asset like Bitcoin but if dem power no reach dem go forgo di idea for di main time. If your income de barely fit to carry your basic expenses like food, rent and transportation to work, no need to consider Bitcoin or any investment matter. You need to survive first before you go think of putting something aside for investment matter.

Your income suppose to cover your primary or basic expenses first den di remaining go enter for your discretionary fund and na from there you go budget for wetin fit to come out to buy Bitcoin. Basically everybody suppose to get budget for their income because we want many things but di money to take execute all of dem de limited.

For people wey want to invest in Bitcoin but money no de come out to fund dem discretionary purse from were dem go comot allocation to buy Bitcoin, dem need to wait. If e no de possible to cut down on your basic expenses to get discretionary funds you need to think outside the box. Find a better paying job, learn a marketable skill, get a side hustle, anything legal to increase your income. When you get extra income no increase your lifestyle yet, make you fund your discretionary funds so that you go fit to invest. Lastly you no need plenty money to start DCA method, you fit to start with small amount wey you can afford to loose.