Wetin carry person go create this kin topic for other board, e no really make sense now, we just Dey spoil our reputation for all dis oyinbo people side, because the kind mindset wey dem get be say most people from naija na yahoo dem Dey do, so if people dey create this kin topic, e Dey make things worst be that now. Wetin make person carry this kin matter go politics and society, or na merit him Dey hustle na Wetin make am Dey create this kin thread thinking something go drop.

If we Dey talk about crime for d world, make I no lie naija Dey even learn work self, Wetin most of this oyinbo Dey do, then you go know say naija Dey learn work, but most of them Dey hide there own, na we our own Dey always Dey pubic, na why eye Dey always Dey our side be that now. Dey get some countries wey be say no be small scam dem Dey do, but I no go mention name for here, but there own no Dey everywhere as naija own be. Plenty people Dey here wey be real hustler, but Dey just Dey make everybody look like criminal for dis oyinbo’s eye.

If you wan create some topics, make e be only dis local board, and if you see say some topics Dey sensitive, use pigin write am so that people from other boards no go understand am, na only we wey Dey dis local board go understand.