Hello Bitcoin talkers..
We know say Nigeria dey always come up as one of the countries wey dey adopt crypto well especially the young people.. and we know say true true no school for the country really dey teach about financial literacy... University nor really dey teach you about how to really build wealth.... But with the rise of crypto, we don see many young people wey don dey understand things about investment, and wealth creation..

  Make we reason this matter: We feel say crypto don change the mindset of young people and the way  we dey reason investment and finance...
If we look am from different point

1. We go see say many people now nor wan dey tied to the 9-5 system again. Many young people now wan be their own oga because them don understand say them nor fit really build wealth of them continue to dey work under person ... And crypto currency Na one of the ways wey them see say you fit be your own oga and collect better money as profit.

2. Before crypto dey rampant, e sure me die say many young people nor even dey send anything concerning inflation ,market volatility, or even wetin be diversification of portfolio. I feel say crypto come make young people dey interested small for matters wey concern economy

Na this two things Na I reason say crypto don help change our mindset concerning Financial literacy asyoung Nigerians... Una fit still help me with others and how e don still help you change your own mindset