Hatchy leave this thing, if you no get money you no fit invest in Bitcoin, person never see food chop well e dey go invest in Bitcoin, whether you like am or not if you no get money you no fit invest or buy and hold Bitcoin.
Just imagine say them they pay you 50k every month and as we no a lot of Nigeria people they receive even below that amount so how you won take investment in Bitcoin just tell me how, a lot of people salary never even do them to use chop and to run family you con dey go buy Bitcoin, even if you buy within one to two months you go still sell am use am settle issues.
Na only person way get better money fit invest in Bitcoin because if them they pay you better salary you fit get discretionary income way you go use buy Bitcoin and then hold am.
All this things way you explain say na freedom and say them create Bitcoin both for poor and rich na just sweet mouth if you dey poor you no fit invest in Bitcoin, you no go even think am, because if you think am na hungry go tell you to sell am immediately.
Use hungry play first.