My people, abeg make we reason this thing well. For Naija, everybody dey talk say land na real wealth and e no dey lose value, and once you own am, na asset wey fit pass from generation to generation. But now we get Bitcoin, one digital money wey don surprise the world with crazy growth and international respect. So for a normal Nigerian wey dey find how to secure tomorrow, the question be:
>To buy land (plots/real estate) or to buy Bitcoin?
>Which one go hold better value in the next 10–20 years?
Land dey solid but government wahala and paperwork fit stress person. Bitcoin dey borderless but the price dey shake up and down. Which one really guarantee wealth for Nigerians?
Lol, Make we yarn, if ₦5m dey your hand right now, you go put am inside land or inside Bitcoin? Thoughts.
I no go lie you, this question hard small to answer but normally na both dey my mind to also get land even as I dey focus on the bitcoin so person fit actually get the two because both na valuable asset and land seff dey grow so my brother i go advice you say if you get the capacity you fit join me oo because at the end na you go still happy say you buy somethings of such nature for that time especially for this country wey the price of things dey skyrocket anyhow amd land join all those things wey price seff go increase if you get patience.