My people, abeg make we reason this thing well. For Naija, everybody dey talk say land na real wealth and e no dey lose value, and once you own am, na asset wey fit pass from generation to generation. But now we get Bitcoin, one digital money wey don surprise the world with crazy growth and international respect. So for a normal Nigerian wey dey find how to secure tomorrow, the question be:
>To buy land (plots/real estate) or to buy Bitcoin?
>Which one go hold better value in the next 10–20 years?
Land dey solid but government wahala and paperwork fit stress person. Bitcoin dey borderless but the price dey shake up and down. Which one really guarantee wealth for Nigerians?
Lol, Make we yarn, if ₦5m dey your hand right now, you go put am inside land or inside Bitcoin? Thoughts.
First, make person ask himself whether e don buy land before and how much land ₦5m fit really get for him area. If land cheap for where you dey, you fit buy land secure am as asset, then use the balance invest for Bitcoin. Land dey sure pass because e no dey lose value easily, but the stress of papers or person fit meet you say na him own the land and government fit stress person join.
But if you look at the wey dey happen now, you go see say plenty people dey even sell land just to hold Bitcoin. That one show say the value and future benefits of Bitcoin don dey sure pass land for some people eye. The truth be say, both get advantage, but Bitcoin fit give you more than land if you fit handle the risk and hold for the long term.