بسم الله الرحمن الرحيم

كنت حابب انقل تجربة ليا فى بعض العملات ال Proof of Stake (pos) واستراجية انك hold and stake واذاى قدرت استفاد منها

مبدأيا انا مش خبير ولا بقول نصايح (دى مجرد مشاركة تجربة ) فا ياريت متأخدش كلامى على انه اكيد واتاكد بنفسك وابحث بنفسك

كتير من الناس وانا منهم كنت فاهم فكره ال pos غلط وانه زى البنك بتحط عدد معين من العملات وعلى اساسه بيدخلك فايدة معينه
وفيه كذا نوع من ال pos بس انا هقول الى انا عرفته وجربتة
مبدائيا
( ببساطة، هذا النظام يتيح لك تعدين العملة الرقمية من دون الحاجة إلى معدات. كيف ذلك؟ إن مبلغ العملة الرقمية الذي تملكه هو الذي يحدد الكمية التي ستقوم بتعدينها.
ويقوم على ترك محفظتك الرقمية مفتوحة على التوالي، لتأكيد المعاملات، فتتحول محفظتك إلى آلات تعدين إفتراضية، وقوة التعدين التي تستعمل إنما هي كمية العملة الموجودة في محفظتك Hashpower = coin balance.
وحصد الربح في هذا النظام يعتمد على كمية العملة الموجودة في محفظتك وعلى طول فترة وجودها في المحفظة )

يعنى انت بتساعد الشبكة فى انك تاكد المعلاملات او trans عن طريق المحفظة الخاصة بيك بى انك بتملك عدد معين من العمله (مع العلم ان المحفظة طول ما هيا شغالة ستاك بتستهلك جزء بسيط جدا من المعالج او cpu)
وفى الاخر ليك نسبة معينه على حسب كل نظام وبتدخلك عشوائيا على حسب كميه العمله الى معاك .. بي معنا كل ما زادت الكمية معاك زاد فرصتك ان النيتورك تختارك فى انك تعدن البلوك المراد تعدينة وتاخد جايزة البلوك
وعلى حسب كلام العملات الى انا جربتها فى انك فى الاخر كده كده هتاحد نسبة الفايدة حتى لو بعد ايام او شهور

ودى بعض العملات الى شغالة بالنظام ده والى موجودة حاليا ومعروفه

NAV Coin نسبة ارجاع 5%
STRATIS نسبة ارجاع 0.5-1 %
Reddcoin نسبة ارجاع 5%
NEBLIO نسبة ارجاع 10%
(سنويا)

وفيه عملات تانية بنظم مختلفة شوية عن ال pos بس تقريبا نفس المنظق فى الاخر زي نيو مثلا بتديك الارجاع بتاعك كا gas مش neo ومش لازم تفضل سايب النحفظة اون لاين
وlisk بنظام التصويت (محاولتش بصراحه افهم هوا ايه ) وكتير من العملات الاخرى

انا شخصيا جربت عملتين REDDCOIN و Neblio

اولا ريد كوين دخلت فيها تقريبا من سنه وكانت لسة بداية دخولى فى العملات الرقمية عموما ومكنتش عرفت عنها معلومات كافية بس قدرت استفداد من الستاك فعلا بس بنسبة قليله وبالاخص
انى عملت هولد لمده كبير فا قدرت انى استفداد من فرق السعر (الربح) والستاك ... بس بعد كده لما قرأت عن العمله نفسها كان رأيي سلبى فيها فا استغنيت عنها

ثانيا NEBLIO

https://coinmarketcap.com/currencies/neblio/

دخلتها وانا مقتنع بيها كا مشروع وان ليها مستقبل فعلا ببساطة هيا مثل الايثر والنيو بتستهدف مجال الاعمال وهيا عبارة انها منصة بلوك تشين تقدر الشركات والابليكشنز تخزن الداتا على blockchain
طيب وايه الفرق بينها وبين الايثر والنيو تقدر تبص على الصورة دى وهيا مقارنه ما بين العملات الى فى نفس المجال ولو حابب انها اشرحهالك اكتر يا ريت تقول

https://i.imgur.com/zTgQuRL.jpg

وبكل صراحة كان دخولى فى العمله بسعر 3$ والعمله وصلت لى 60$ ونزلت مع الماركت كله لما نزل الى 11-15 $ بس زي ما انا قولت قبل كده .. انا داخل تخزين على المدى الطويل وبستاك
وبالمناسبة سعر العمله فى ال ico كان 0.2 $ وكان فيه 100 مليون عمله للبيع بس تم حرق الى ما لم يتم بيعه ..والتيم بتاع العمله اشترى زيه زى اى حد اشترى من ico


شرح ال pos الخاص بنبليو بسيط ... بكل بساطة بتشترى العمله وبتحطها فى المحفظة الرسمية ولازم تكون windows او ios او raspberry pi يعنى مينفعتش تستاك على الموبيل او محفظة اون لانين
وبتتاكد ان المحفظة عامله sync مع النيتورك وانها مفتوحه .. والمحفظة بتاخد 24 ساعة عشان المحفظة تبتدى ستاك وبتاخد 7 ايام عشان توصل لى الحد الاقصى للوزن الخاص بمحفظتك (لو حد عايز يفهم يعنى ايه الوزن الاقصى يسئل)
وبتنتظر لما النيتورك تختارك عشان تاكد او تعدن البلوك وبتاخد جايزة على حسب عدد الايام الى انت انتظرتها وعلى حسب كمية الكوين الى معاك
بس مهما يكن كدة كدة ليك 10 % استرجاع سنويا مهما يكن عدد الكوين الى معاك وال 10%

مثال
لو معاك 1000 nebl وخزنتها وعملت ستاك لمدة سنة هيبقى معاك نهاية السنة 1100 nebl
طبعا لبعض الناس هتقول النسبة قليله .. النسبة فعلا قليلة لو مبلغ الاستسمار قليل .. بس فى النهاية لو تخزين انت كسبت فرق السعر وكسبت نسبة الاسترجاع الى هيا 10%

س&ج
1-لازم افضل ساب المحفظة مفتوحة ؟
اه لازم
2-طيب انا كده هستهلك كهرباء لو سبت الجهاز او الاب مفتوح على طول ؟
لو انت داخل بمبلغ كبير فعلا .. فيه جهاز اسمه raspberry pi وده عباره عن جهاز كمبيوتر صغير جدا بيشتغل بنظام لينكس (ubuntu) واستهلاكه قليل جدا تقدر تستاك عليه

فى النهاية يا ريت تتاكد من كلامى وتبحث فيه
ولو فيه اى سؤال اتفضل ... وشكر