Quote from: Nsync on November 19, 2017, 01:37:46 AM

أنا بتداول فى مجال الفوركس من فترة
لكني عمري ماشتغلت فى مجال العملات الرقمية أبداً
فى الفترة اللى فاتت قررت أدخل المجال وبعد دراسة مجموعة من العملات إستقريت على مجموعة عملات هستثمر فيها على المدي الطويل إن شاء الله
بس عندي إستفسارات مهمة منك
أولاً : إيه أفضل المواقع لشراء العملات؟
ثانياً : هل المفروض أفتح محفظة لكل عملة من خلال موقعها الرسمي
يعنى عندى 10 عملات قررت أشتريهم فهل المفروض أفتح 10 محافظ لكل عملة محفظة من الموقع الرسمي ليها؟
ثالثاً : لما أحقق الهدف المطلوب من العملة هل عملية بيعها وإسترداد الأرباح وتحويلها للبنك بتكون سهلة ولا فيه قيود معينة؟
رابعاً : هل شراء العملات عن طريق الفيزا كارد متوفر وسهل ولا لازم بنوك إلكترونية؟ وهل أقدر أشتريها مباشرةً بالدولار ولا لازم أشتري بيتوكين وبعد كده إشتريها بالبيتكوين؟
خامساً : هل فيه أى نوع من أنواع الضرائب بيتم فرضها على المحافظ
بمعنى إنى إشتريت عملة وقررت أسيبها لمدة 5 سنين على سبيل المثال فهل خلال المدة ديه بيتم خصم أى قيمة مالية عليا نظير بقاء العملة فى المحفظة لمدة طويلة؟ وهل فيه خطورة من ترك العملة بالمحفظة لمدة طويلة بدون إجراء أى عمليات سحب ليها؟

بعتذر عن تأخرى للرد على استفسارك
اولا: افضل المواقع لشراء العملات المشفرة
1- Poloniex.com
2- Bittrex.com
3- Binance.com ظهرت مؤخرا فى اواخر 2017

ثانيا: من الافضل انك تحتفظ بكل عملة فى محفظتها الرسمية .. لكن فى اشخاص لا يمتلكوا مساحة كافية من الهارد الديسك او سرعة انترنت جيدة لتنزيل البلوكشين الخاص بكل عملة .. فيتجهوا الى المحافظ المدعومة بعدة عملات مثل Exodus.io و Jaxx.io لكن اهم شئ انك تحتفظ بالبرايفت الكى الخاص بكل محفظة لان فقدانه = فقدان اموالك

ثالثا: لما بتحقق المطلوب .. بتبيع العملة اللى معاك مقابل البيتكوين (العملة الرئيسية) .. وبعد كده بتبيع البيتكوين مقابل الدولار ثم الى عملة بلدك
بالنسبة للقيود بتبقى على حسب البنوك الموجودة ببلدك موافقة او معارضة على ربط الكريدت الخاص بك بموقع يقبل البيتكوين

رابعا: موافقة ربط الفيزا بموقع يقبل شراء البيتكوين .. بيتحدد على حسب البنك الموجود ببلدك موافق او معارض .. بتشتري البيتكوين بالدولار اولا ثم يتم تحويله لمحفظتك الخاصة ثانيا

خامسا: مفيش اى ضرائب على المحافظ .. المحفظة زى حسابك البنكى الخاص بك .. بس الفرق انك المتحكم الوحيد فيه عن طريق البرايفت كى الخاص بكل محفظة .. والرسوم اللى بتدفعها بتكون على الفلوس الخارجة من محفظتك فقط الى محفظة شخص اخر