Quote from: hossamdz on Today at 04:30:24 PM

شكرا على تدخلك , نعم يجب ان يكون هناك قبول عام من الناس للبتكوين ولكن السؤال هو ادا كان هناك مثل هدا القبول يوما ما .

كيف سيتم الانتقال من النظام المالي القديم الى النظام المالي الجديد , كيف سيتم التخلي عن الدولار ومادا سوف يحدث له وللعالم بشكل اجمع .

هدا هو السؤال الدي اردت ان اصل الى اجابته ..

فيك تاخد اللبنان على سبيل المثال, بسبب الحرب الأهلية انهارت العملة اللبنانية و انتقل كل النظام الشغال على الليرة اللبنانية من تعاملات بين التجار و بين المشترين و المجتمع ككل, للتعامل بالدولار, في عندك مثال شمال سوريا صار يتم استخدام الليرة التركية بدل الليرة السورية. هلئ يمكن هي الأمثلة هي تبديل النظام المالي بنظام مالي تاني بس انو مشابه, بس لساتو شغال, اما بحالة البتكوين فالتبديل حيكون على نظام مختلف بس بنفس الطريقة, يعني يلي بخلي القوانين تتغير هو الواقع يلي بيتشكل من تعاملات البشر مع بعضون, يعني لما الكل يستخدم البتكوين, فاجباري القانون بدو يتغير ليماثل الواقع. بالاضافة للشركات الكبيرة يلي عم تفوت بمبالغ ضخمة, هاد نقل للقيمة من نظام لنظام تاني مختلف, هاد الشي يلي بشجع الشركات القائمة و الجديدة لتبني أدواتها على النظام الجديد مشان تستفيد.
الانتقال بكون تدريجي, ببناء البنية التحتية للنظام المالي الجديد, تقثيف و توعية الأشخاص بكيفية استخدام و فوائد هالأدوات الجديدة, يلي بخلي في زيادة بالتبني بالتالي زيادة بالقيمة يلي عم تنتقل من النظام القديم للنظام الجديد. كل شي معتمد على الأسس يلي عم يتم بناءها هلئ ان كان اسس تثقيفية و توعوية او اسس تقنية و برمجية, اما المستقبل صعب نتنبأ بشكل كتير كبير لان ما كان في متل هيك نظام او متل هيك تحول من قبل, نحن فعليا عم نستمد الأفكار من الماضي, ونجددها متل انو كنا عم نستخدم نظام الذهب بس اليوم طورنا على الفكرة ومنقدر نستخدم شي أفضل من الذهب و هو البتكوين BTC.

الأسس او الأفكار يلي عم تنبنى او يتخططلها:

مثلا أسهم الشركات, بدل ما تضطر تروح على البنك و تعمل حساب عن طريقون لحتى تقدر تشتري سهم يلي هو عبارة عن رمز او توكن. فممكن الشركة تطرح أسهمها كتوكنز على شبكة الايثيريوم وهيك ممكن يوصللها أشخاص أكتر و هاد بالنسبة للشركة فائدة أكبر, و بالنسبة للأفراد فائدة لان قدرة يصلو لأسهم الشركة.
الحكومات ممكن تكون بنفس الشكل الحالي يلي هنن فيه عبارة عن مدير أعمال الشعب, لان الشعب مشغول و حط مدير ليشفلو رزقو بالبلد, فمنخلي الموضوع متل ما هو بس انو التمويل بيكون بايد الشعب بنظام مبني على البلوكتشين بيستخدم البتكوين ليكون عملة احتياطية او داعمة للعملة المحلية بحيث ما بتم تحريك هي الأموال غير بقرار شعبي, المهم الدولة بمؤسساتها عليها تخطط و تدرس و تنفذ, اما الشعب عليه التمويل, بمعنى انو موارد البلد باستخدام النظام المالي الالكتروني ممكن تتقسم على أفراد الشعب بشكل مباشر, جزء من المصاري بكون للفرد لحتى يتصرف فيها, يعني راتب شهري لكل مواطن, و باقي المصاري بيستخدمهون ليختار ايا مشروع من المشاريع المقدمة من الدولة بدو يدعم عن طريق التمويل. جميع التعاملات بتتسجل على شبكة بلوكتشين عامة و ممكن تنحفظ بشكل سري بس الهاش تبعها بيتسجل على البلوكتشين, مشان لما نحتاج انو نأثبت صحة البيانات يلي عم نشوفها فينها نرجع على البلوكتشين, بالتالي المعلومات بتضل سرية بس ما حدا بيقدر يغير او يتلاعب او يحذف هي المعلومات, وضياعها يعني المحاسبة القانونية بدلائل محفوظة بطريقة لا يمكن اللعب فيها.

الموضوع كتير كبير و الو جوانب كتير و متاهة يعني, بس الفكرة انو ما في شي استمر للأبد ليكها حضارات ضلت آلاف السنين وبالأخير اختفت, فالتغيير قادم قادم, فينا هلئ نحنا نرسم كيف هالتغيير بكون.