Quote from: Upgrade00 on July 25, 2021, 12:40:54 PM

For other Nigerians, Incase you refer person to the forum and they no fit register, you fit show them this thread - https://bitcointalk.org/index.php?topic=5350260.msg57505657#msg57505657
They fit get whitelisted for free, but they go need prove say they be true new members, my own email dey there too.

The matta nor dey easy like dat oh. Na so dem nearly take questions wan stress out my guy wey I bring enta this forum to the point wey I use vex tell my guy sey make im nor worry I go pay the fee for am. The person wey im dey yan with sey make im do video evidence of im IP to show sey nor be me dey run the parole. I scatter laugh as the thing weak me. I tell the veteran member sey the suspicion dey unnecessary. So, if I wan run another parole I nor go come sabi how to pay the fee ni or what? Na so I ask am. How you go tell person to expose im IP because you wan pay one shikini money for am? And I sure na so many genuine newbies go face dat same frustration if dem nor get Satoshi to pay by dem selves or someone to pay for dem.