Quote from: Mpamaegbu on Today at 04:55:12 AM

uchegod-21 dey perfectly correct for dat analysis and even with d example wey im throw take join am. I for still baff you as I baff am for ur attempt too, you try, but na my last bucket of wata I pour am so. Wetin you go talk for owa African proverbs be sey different proverbs fit mean one thing but nor be sey one proverb fit mean several things. No. As dem dey talk for Igbo sey different tribes get different ways wey dem dey take laugh. Na so d thing be.

Oga Mpa, you too make sense for here. You see those words wey I bend, plenty wisdom dey inside.
Elders dey yarn different proverbs to express one thing, but one proverb no dey mean different things.
If one proverb dey mean different things, no need to dey write interpretation of proverbs. Because you fit interpret go left and me interpret go right and both of us go dey correct.

GiftedMAN and everyone wey dey drop proverbs here dey try, e no easy. E get the day person make me vex for night, na this thread I use calm myself and get inspiration. Na correct thread be this .
African proverbs is full of wisdom.