Before na e I think say our leaders care about us but because things no dey work out well na e make Nigeria dey yeye like this. Na that massacre day, I know say na animals and blood suckers in fact enemy of progress na him our leaders be. Imagine Tinubu na e dey behind this killing but them hide am,plan d evil well ,kill young vibrant youths wey their future bright like diamond, na e dis old men kill. I no fit forget Baba Fela wey dey tell us how this same leaders treat am badly because say e dey cast their doings. Na that kind person still get mind won come rule Nigeria and some jonsing youths dey forget about this very day. I pity for ignoramus them.

If I be president of Nigeria, I go just pension all these old men from anything Nigeria matter so that make them go sleep becos them own don too much. I go also try my best see say make all citizens dey collect the least every month for up keeping and I go still employ all of them wey I dey pay to dey do community security.I no say make them carry anything go stand for road, but the moment you sense any careless waka or anthing around you,make u call police and if u catch any suspect say na confirm,I go increase your money. Lastly I go legalize Marijuana, so that make we dey export am dey use get revenue for the government. Abi the country wey dey use am as their major income better pass us.