Naira currency inflation na because the country no dey productive but only consuming here and there. If a better government been enter, by now we for dun get many working refinery and dey run our own fuel production plus other goodies wey dey follow but no mumu government only know how to borrow money and flex, dey pay allowances for all the people wey join hand keep them for the top.
Omoh person no go truly understand this inflation talk until you enter market oh, or you wan purchase anything at all, omoh things cost no be small oh, sometimes i they wonder how the poor people for Nigeria they survive, because even the people wey they earn something wey they reasonable still they suffer, what of people wey come they earn little or nothing, them go they chop so?
Having said that, no be today we begin yarn about this refinery matter, na the same way we don they complain about electricity issue for decades now, sometimes i they wonder how a blessed country like Nigeria in 2022 still they struggle to supply their country people steady light, at least for 20 hours a day, e bad no be small my brother, i they pray make 2023 be the turning point for us in this country.