Quote from: CryptopreneurBrainboss on May 03, 2023, 04:29:28 PM

Quote from: Ledway on April 29, 2023, 02:37:03 PM

My people i no dey understand this our country again oh.
You go see person today especially girls before u know she don disappear in the name of visiting friends.
The one wey just happen last night just tire me,my two neighbours pikin wey be girls go there friend birthday party till now them still them still dey look for them.
I no just understand the pattern of the country again.

Na so the country dun grow reach now, ritual dun dey so common wey be say we dey praise am and na wetin deh cause all things. This ritual matters na majorly wetin they make people miss and also kidnapping. I no just understand wetin the government and securities agency for country dey do. Abi dem no dey pay them again to protect us. As e be like dis belike dem go begin approved personal arms because person need gun to take care of himself this day as if dem come for you, nobody fit do anything even the police self no follow.

My senior brozzay na true say rituals and kidnapping don turn business for dis our country nd e no good say some pipu dey glorify am. E suppose be government nd security agencies wey go protect us but e be like say dem no wan de reason our Mathias again. But if we begin carry personal arms e fit cause more violence sha cuz nobody get joy as e de be now like dis.

Our girls too no dey try, na so so wake full their legs. How you go just meet person for online either through Facebook or other social media and you dun dey follow them go house. The worst na the hookup hustle we dun dey so common wey be say 90% of our girls especially university girls na wetin dem dey do and dem sabi go this boys wey book them houses without any security like telling person where dem dey go. How dem go carry tell person self when the hustle wey dem dey do no pure. Make girls give themselves respect and hold their self well because all this problem no dey too near those wey dey respect themselves.
[/quote]
For dis matter wey concern our girls wen dey do online hookups nd other risky tins, na true say dem dey fuck up nd dem follow contribute to dis mathias wey de sup for we country. E important say make we de make responsible decisions nd put our safety first. Omorrr our girls sha get mind sha o… Make we try de encourage our girls make dem for get respect for their body. No be every Man u see for road u go follow go house.
Any which way, we still need address d main problem nd make we work together to make d society safer for all we us.