Quote from: Hyphen(-) on May 15, 2023, 09:45:55 PM

This visa restriction suppose don tey self, so that all of dem wey de run go stay and develop other people country leave their own go learn lesson small.
Wetting de vex me be say even our leaders wey supose lead by example de go treat himself abroad because dem no gree repair our own hospitals, and dem de send their children go school for there because dem know say dem no structure our own educational system well.

Quote from: Davidvictorson on May 15, 2023, 06:38:53 PM

As much as I like wetin the US don do, e go still make sense if other countries like UK, France, China, Japan, UAE, Saudi Arabia, Qatar, Korea and all these other nations fit do the same. But e go hard because even some of these other nations dey benefit from these guys big time. E go also make sense if the visa restriction fit touch their family members as well - their wife, children too.

Meself de support dis one, so that dem no go get choice then repair and set our own hospitals and schools under good condition to attract people from countries to come and study here with us.

Nigeria leaders na the most foolish and wicked leaders wey I don see for my life. Money dey the country wey una go use the money change everywhere,instead dem go carry this money go foreign dey go help people wey don already help themselves since. Nigeria leaders just be like poor man wey steal money carry am run go reach man hotel go lodge,still the do money competition with the rich man for him own hotel,and him family dey stay for pako house wey be say if rain fall water dey wet him family because the zinc dey leak. Money wey e suppose to use go give him family a better life,he use am go dey hotel dey lavish. Anyway sha, I happy say US don let those people wey them restrict visa from to know say,them US no send una with una stolen funds. Now imagine say these set of restricted people get houses and investment for US,no be US property e don turn to.