I think the newly elected government go better pass the previous one and president tinibu go help improve our economy, education and technology just like e been do to lagos state when em be governor.
Judging from how em done take dey open borders and a lot of promises wey em done make, eh even talk say eh carry the youths for mind and most of the people eh go give appointments na youth.
Wetin una think about this talk?
Make e no be say all this one na talk talk political capping, I hope him follow everything up because me I dun dey like as him dey run the government already. I like the idea say him dey try new things wey the previous governments dem never try. Worst part e no work den to go back to a system wey no dey work since. Abi una no hear say Cameroon dey protest subsidy wey Tinubu commot for Nigeria. As I see the news the thing just weak me, e mean say Tinubu no been dey joke when him talk say we just dey subsidized fuel for other African countries dey suffer our own. Signs already dun dey should say we dey in good hands.
Sha make we no dey too quick to judge sha because na so Buhari government start, everything been dey go smoothly but in the next tenure na so yawa just gaz. You know say when something dun too bad, the next personndey just get praises even when dem no do anything. As the country dun bad so, anybody fit enter the seat and make the country breath small because no how dem wan worst past the last administration. Make we just give the man support and see how he handles the country.