Quote from: GiftedMAN on Today at 05:12:07 PM

Quote from: Okwara on Today at 11:33:31 AM

Proverb: The frowning of a he goat no go stop the owner from taking it to the market.

Meaning: There are things or situation you can't change by what ever means.

The only situation wey I fit say person no fit change right now na death but even as e be now people still dey use money dey change some kind death situation but e no dey work always.

For some oda situations, baba I fit say na only person wey no get money wey no go no wetin to do in any situation but if money dey ground na to just put calls connect with the right person or people wey fit help sort the situation out no matter how hard e be. No forget the oyibo wey Dem say money answerth all things I believe say any situation wey you no no wetin to do na situation wey never come your way because right now people don see shege tire and e don make dem zero mind to accept any situation wey come their way.

Baba no vex but at some point I no think say money fit solve everything because I know people wey get all t money wey fit buy their lives but at the end them still die and remember say bible talk say my people perish for lack of knowledge not money and the truth be say me I agree with Okwara say e get some situations wey we no go fit change except God come down come intervene and I don also see people wey get money yet ten Dey under one serious spiritual attack or the other.

E don tay wey I drop parable for here so make I drop small

Proverb: my people talk say woman wey Dey run for her life no Dey hold breast

Meaning: when there is trouble, there is no dignity in shame.

Even me no believe say na me drop that grammar but no worry I try.