Quote from: Peter Faith on December 10, 2023, 07:56:07 PM

Quote from: Gozie51 on December 10, 2023, 04:14:24 PM

Quote from: Peter Faith on December 09, 2023, 10:52:12 PM

Although no be only transportation,,so many other sectors too na the same over using of opportunity nai still dey go on...and we dey cry for change
The thing dey border🤦 me I say make I share am with una

Like you say no be only transportation. The thing cut across all the sectors of Nigerian economy. If we look into fuel now abi kerosene or diesel. We no go even talk of people wey dey sell goods self because them too follow dey take advantage that na why I talk say the thing spread for everywhere. For example now if filling stations hear now say government want increase price dem go stop to sell and wait for the new price and before you know am dem go begin sell old cheaper price for new costly price. But if government say price drop, dem go still continue to sell old fuel for that price wey e dey before government announce price reduction.

So na government matter be this. Government suppose put price regulation to dey active and checkmate some of these extortions.

no be lie...but the thing there be say even those government go put in charge to checkmate the extortioners sef go still like collect bribe from them cause they too will see it as an opportunity

Na all those circles of bribe collection still keep Nigeria for this level wey we dey. If to say the system dey cleansed up all these ones wey we dey talk no go be issue. No society dey perfect actually but a country wey dey corrupt is always found with the commonest kinds of ills. Price control system suppose be something wey go make the common person on the street enjoy live but who go bail the cat...If you rig election enter then you no go expect say things go begin work as expected. We no need to dey fool ourselves.