Quote from: Inior on April 04, 2024, 10:54:50 AM

Good morning my fellow Nigerians, from my little experience for this industry I fit boldly tell you say if you no follow this principles e go hard you to make am for this industry. Nine make I say make i put down the 5 major keys way person need to make am for this crypto space. The first one na
saving and investing: many of us know this one but we no dey do am. This one na to keep small of your income aside for future use no be to chop all , and then investing na to put some of you income into some thing way go make that money increase value over time. save at least 10% of your income and invest like 20%, you go surely see changes, and then the second one na
Education and continuous learning: this one dey very important because na this one go keep you up to date , this one na to dey continuously gather knowledge and skills way go fit help you get more money.Then The third key na
entrepreneurship: Most of us know This one too , this one na to start and run your own business , so that you fit get other streams of income. So you no go dey depend on only one. the fourth key na strategic planning and goal setting: This one na matter of setting clear financial goals and to create plans way go fit help you to achieve them. And the last one na
financial literacy: This one dey very important , make we tell ourselves the Truth, to get am clear for this industry, we really need to understand how money dey work , how to make am, how to manage am, and how to invest am. If you know this things e go really help your finance. And take you to the next level.

This keys wey you talk about so good to put into effective practices In order acquire knowledge and wealth, but you for also talk about the strategies wey person fit use acquire the wealth make them no Apply the keys wrongly, well make I add some strategies too wey fit still help us acquire wealth on top crypto space,

1. Long-Term Investment: Hold on tight to cryptocurrencies for long time, make money from the possible growth wey fit happen later.

2. Day Trading: Buy and sell cryptocurrencies often within one day to make money from small-small price changes.

3. Staking: Make money by join blockchain networks and help confirm transactions through staking.

4. Mining: Produce new cryptocurrencies by use computer power to confirm and write down transactions for blockchain.

5. Lending: Make money when you lend your cryptocurrencies to people through DeFi platforms and collect interest.

6. Arbitrage: Use price differences for different cryptocurrency markets you go make money when you buy cheap and sell expensively.

7. Airdrop: Airdrops give chance to get new cryptocurrencies without needing to put in money directly.