Quote from: AmaGold70 on Today at 01:26:07 PM

Quote from: Majestic-milf on January 02, 2024, 03:21:49 PM

My brothers and sisters for this kajad cabal I greet una and happy new year to all of us. I say make I table this matter for here and if say person don discuss this mata, my apologies as I no see any of such nature before I bring this one up.
Wetin make me dey ask this question nah say after observation, I discover how some newbies wey register here, after them don drop some posts and e happen say one of the posts receive backlash, you go see say gradually, that user go start to dey scarce for here and before you know e go twy before you see them.
So I wan know from us, wetin we feel say be the reason wey dem dey lose interest like that? Abi nah say some no fit stand criticism or here too hard or wetin? Abeg make we discuss.

Honestly eh bross the kind backlash wey I see one newbie collect for this forum for one yeye post wey e make really reach for person to lose interest for the forum, e reach to even put person for depression and till now the newbie never reply. Na why I thank God say all of us dey anonymous for here so nothing fit move me comot for the forum because if you criticise me finish last last you no know who I be, you no fit see me for road dey point me say see that newbie wey no Sabi anything for bitcoinTalk forum and even if you know me e no comot anything for my body. (The patient dog eats the fattest bone) beginners need to use this proverb hold body for this forum, Las Las we go dey alright.

Omo, I understand how that newbie go don feel and I know say no be everybody sopoz Sabi everything like the next person but some of these noobs dey receive these backlashes because them no wan hear. E dey simple, before you make contribution for place you never enter before, nah to first study the place, see how things dey be before you drop your two cents but some of them no wan know this one; them dey expect say person go hold their hand, spoon feed them.
Thank God for anonymity as e dey help the firing to reduce as you tok but that no mean say you go use that wan do any how, because at the end of the day, you no go want make them see you as that user wey dey post shit..